Інфармацыя аб прыёму дзяцей у першы клас на 2021/2022 навучальны год

У адпаведнасці з патрабаваннямі, выкладзенымі ў Кодэксе Рэспублікі Беларусь аб адукацыі (глава 24),  Палажэння аб установе агульнай сярэдняй адукацыі (зацв. Пастановай Міністэрства адукацыі Рэспублікі Беларусь ад 20.12.2011 г. № 283, са змяненнямі Пастановы Міністэрства адукацыі Рэспублікі Беларусь ад 03.03.2018 № 10 ):

- у 1-ы клас прымаюцца асобы, якім на 1 верасня адпаведнага навучальнага года спаўняецца 6 і больш гадоў. Па жаданні аднаго з законных прадстаўнікоў дзіцяці дапускаецца прыём у першы клас асобы, якой споўніцца 6 гадоў у перыяд з 1 па 30 верасня адпаведнага навучальнага года.

Прыём у першы клас ажыццяўляецца на падставе заявы законнага прадстаўніка дзіцяці пры прад'яўленні ім пасведчання аб нараджэнні або дакумента, які падцвярджае асобу дзіцяці, і медыцынскай даведкі аб стане яго здароўя, калі іншае не прадугледжана артыкулам 159 Кодэкса Рэспублікі Беларусь аб адукацыі і Палажэння аб установе агульнай сярэдняй адукацыі ,

Заява законных прадстаўнікоў падаецца ў перыяд з 12 чэрвеня па 28 жніўня на імя кіраўніка ўстановы адукацыі. Рашэнне аб залічэнні дзяцей ва ўстанову агульнай сярэдняй адукацыі афармляецца загадам кіраўніка ўстановы не пазней  31 жніўня і даводзіцца да ведама іх законных прадстаўнікоў.

Пералік дакументаў, неабходных для паступлення ў першы клас:

1. Заява законных прадстаўнікоў дзіцяці (бланк выдаецца i запаўняецца ў школе);

2. Ксеракопія пасведчання аб нараджэнні;

3. Медыцынская даведка аб стане здароўя.

 

Асаблівасці арганізацыі адукацыйнага працэсу ў першым класе

 

• Урокі праводзяцца толькі ў першую змену.

• Працягласць урока 35 хвілін.

• Працягласць перапынкаў 20 хвілін.

• Дамашнія заданні навучэнцам першага класа не задаюцца на працягу ўсяго навучальнага года.

• Падручнікі і навучальныя дапаможнікі першакласнікаў захоўваюцца ў школе.

• У трэцяй чвэрці арганізуюцца дадатковыя канікулы на працягу аднаго тыдня.

• Кантроль і ацэнка вынікаў вучэбнай дзейнасці першакласнікаў ажыццяўляецца на змястоўна-ацэначнай аснове без выкарыстання адзнак.

Парады псіхолага бацькам будучых першакласнікаў

 

1. Падтрымайце ў дзіцяці яго імкненне стаць школьнікам. Ваша шчырая зацікаўленасць у яго школьных справах і клопатах, сур'ёзнае стаўленне да яго першых дасягненняў і магчымых цяжкасцяў дапамогуць першакласніку пацвердзіць значнасць яго новага становішча і дзейнасці.

2. Абмяркуйце з дзіцём тыя правілы і нормы, з якімі ён сустрэўся ў школе. Растлумачце іх неабходнасць і мэтазгоднасць.

3. Ваш дзіця прыйшло ў школу, каб вучыцца. Калі чалавек вучыцца, у яго можа штосьці не адразу атрымлівацца, гэта магчыма. Дзіця мае права на памылку.

4. Складзіце разам з першакласнікам распарадак дня, сачыце за яго выкананнем.

5. Не прапускайце цяжкасці, магчымыя ў дзіцяці на пачатковым этапе авалодання навучальнымі навыкамі. Калі ў першакласніка, напрыклад, ёсць лагапедычныя праблемы, паспрабуйце справіцца з імі на першым годзе навучання.

6. Падтрымайце першакласніка ў яго жаданні дамагчыся поспеху. У кожнай працы абавязкова знайдзіце, за што можна было б яго пахваліць. Памятайце, што пахвала і эмацыйная падтрымка здольны прыкметна павысіць інтэлектуальныя дасягненні чалавека.

7. Калі вас нешта турбуе ў паводзінах дзіцяці, яго навучальных справах, не саромейцеся звяртацца за парадай і кансультацыяй да настаўніка або школьнага псіхолага.

Партфель першакласніка

• Школьная форма дзелавога стылю

• Зменны абутак

• Спартыўная вопратка

• Спартыўны абутак

• Папка, дзе будуць ляжаць:

альбом для малявання 

фарбы акварэльныя

пэндзлікі для малявання мяккія 

каляровая папера 

кардон

клей ПВА

нажніцы з закругленымі канцамі

пластылін,  подкладная дошка

ручкі шарыкавыя 

каляровыя алоўкі 

тачылка

просты аловак

гумка

лінейка

 

Крыніца :http://edu.gov.by/sistema-obrazovaniya/glavnoe-upravlenie-obshchego-srednego-doshkolnogo-i-spetsialnogo-obrazovaniya/srenee-obr/voprosy-i-otvety-kasayushchiesya-postupleniya-rebenka-v-pervyy-klass/index.php